فلسطین کی ایک انچ زمین سے بھی دستبردار نہیں ہوں گے: خالد مشعل

(ایجنسیز)
حماس کی پولٹ بیورو کے سربراہ خالد مشعل نے ایک بار پھر اپنی تحریک اور فلسطینی عوام کی جانب سے کہا ہے کہ وہ فلسطین کی زمین کے ایک انچ سے بھی دستبردار نہیں ہوں گے۔
     
خالد مشعل نے مقبوضہ بیت المقدس کے حزما گائوں میں ٹیلی فونک خطاب کے دوران کہا ہے کہ فلسطینی عوام اور اس کی تمام تنظیمیں کبھی فلسطین کے ایک انچ سے بھی دستبردار نہیں ہوں گے۔

خالد مشعل نے کہا کہ فلسطینی جہاں کہیں بھی ہیں وہ اپنی زندگیوں میں بہت



بڑی مشکلات کا سامنا کررہے ہیں اور انہیں مسلسل نشانہ بنایا جارہا ہے مگر انہوں نے کہا کہ "انشااللہ فتح نزدیک ہے۔"

اس تقریب کا انعقاد موید صلاح الدین کی یاد میں کیا گیا تھا جن کا جسد خالی 13 سال سے زائد عرصہ سے اسرائیل کے پاس ہے۔ اسرائیل نے حال ہی میں کئی جسد خاکی فلسطینیوں کو واپس کئے ہیں اور ان میں سے ایک صلاح الدین کا بھی تھا۔ وہ القسام بریگیڈز کے ممبر تھے اور انہیں اکتوبر 2001 میں اسرائیلی فوجیوں نے ایک معرکے کے دوران گولی مار گر شہید کردیا تھا۔